Hmong
Tam sim no peb tab tos kho tus dej San Joaquin. Txoj kev tsim kho tus dej no yuav muaj txiaj ntsim rau cov zej zog nyob rau hauv Central Valley xws li tim ntug zos thiab plawv zos. Peb vam tias sawv daws yuav tuaj koom tes pab kho tus dej no. Lub koom haum San Joaquin River Stewardship xav tau tib neeg li koj, cov tsev kawm ntawv, cov koom haum, cov neeg ua liaj ua teb, thiab cov ua lag luam tag nrho sawv daws los pab kho tus dej. Peb yuav cob qhia ntau yam dej num rau cov neeg tuaj pab. Cov dej num uas lub koom haum yuav qhia muaj raws li no, ntsuas kev huv ntawm tus dej, tu tus dej kom huv si xws li khaws khib nyiaj, pab cog ntoo ib puag ncig ntawm tus dej, thiab tshem cov nroj tsuag nrog rau xyoob ntoo uas ua kev phom sij rau tus dej. Tsis tag li xwb, cov tuaj pab yuav tau kev kawm los mus ua ib tug Master Watershed Steward los yog ib tug nai. Tus nai no txoj hauj lwm yog los mus pab qhia dej num ntawm tus dej rau cov niam txiv kwv tij neej tsa twg uas xav tuaj nrog koom tes yav tom ntej. Hu los yog tuaj ntsib Stewardship Program hnub no thiab tuaj kawm txog ntau yam hauj lwm nej yuav pab tau los tsim kho tus dej San Joaquin!
Pa Kue Her
